Хитой Россияга ёрдам бериш йўлларини қидирмоқда — WP
Си Цзиньпин маслаҳатчиларига Москвага молиявий кўмак бериш имкониятини топишни буюрган.
Хитой Ғарб санкцияларини бузмасдан Россияга ёрдам беришга ҳаракат қилмоқда. Бу ҳақда Washington Post газетаси хабар берди.
Унга кўра, Москва камида икки маротаба Пекинга иқтисодий қўллаб-қувватлаш масаласида босим ўтказишга ҳаракат қилган. Газета билан суҳбатлашган манбанинг сўзларига кўра, икки давлатнинг ушбу масала фикр алмашиши “таранг” ҳолатда ўтган.
Россия талабларидан бири Хитой билан савдо мажбуриятларини сақлаб қолиш эканлиги айтилмоқда. Шунингдек, РФ молиявий ва технологик ёрдам масаласини ҳам кўтарган.
Манбалар Москванинг стратегик ҳамкори бўлган Хитой позициясини мураккаб деб атаган. Уларнинг таъкидлашича, Си Цзиньпин яқин маслаҳатчиларига санкцияларни бузмай туриб, Россияга молиявий ёрдам кўрсатиш йўлларини топишга топшириқ берган.
Аввалроқ Москвага қарши олтинчи санкциялар пакети келишиб олинганди.
