ХХР бугун Жанубий Хитой денгизида ҳарбий машғулотларини бошлади. Бу ҳақда Хитой денгиз хавфсизлиги бошқармаси маълумот берди.
Унга кўра, денгизнинг тўрт нуқтаси — Гуандун ва Хайнань провинциялари акваториясида ўтказилади. Ундан кўзланган мақсад, жалб қилинган кучлар ва воситалар очиқланмаган.
Катта эҳтимол билан бу АҚШ Конгресси вакиллар палатаси спикери Нэнси Пэлосининг Тайванга ташрифига қарши огоҳлантириш ҳисобланади. спикер жума куни ўзининг Осиёга сафарини бошлайди, аммо NBC телеканали Тайванга ташриф номаълумлигича қолаётганини таъкидлаган.
Бундан олдин Си Цзиньпин Жозеф Байден билан мулоқот чоғида “олов билан ўйнашмаслик”ни маслаҳат берганди.