Япония тарихдан тўғри сабоқ чиқариши керак — Мун Чже Ин
Жанубий Корея президенти икки давлат ҳамкорлиги тўғрисида гапирди.
Корея Республикаси икки томонлама мураккаб муносабатларга қарамай, Япония билан мулоқотга очиқ. Бу ҳақда Жанубий Корея президенти Мун Чже Ин маълум қилди.
Президент бу ҳақда 1919 йилда японияга қарши кўтарилган умуммиллий қўзғолоннинг 103 йиллиги муносабати билан уюштирилган тадбирда гапирган.
"Сеул ва Токио ўтмишдаги муаммоларни четга суриши ва ҳамкорлик томон ҳаракат қилиши керак", — деган Мун Чже Ин. У, шунингдек, Корея мулоқот учун очиқлигини, минтақавий ва глобал муаммолар ечимида биргаликда ҳаракат қилишга тайёрлигини билдирган.
Аммо, унинг сўзларига кўра, икки давлат ўртасида ишончли муносабатлар ўрнатилиши учун Япония тарихдаги хатоларидан тўғри хулоса чиқариши керак. У Токиони "ўтмишга қарашга ва унинг сабоқларини тўғри қабул қилиш"га чақирди.
Япония ва Жанубий Корея ўртасидаги муносабатлар 2018 йилдан бошлаб совуқлашган. Ўшанда Корея Республикаси Олий Суди Nippon Steel & Sumitomo Metal корпорациясини 4 нафар корейсларни оккупация даврида мажбурий меҳнатга жалб қилгани учун компенсация тўлаши шартлиги тўғрисида қарор чиқарганди.
Токио ўз навбатида суд қарорини инкор қилди ва Сеулга нисбатан бир қатор иқтисодий чекловлар жорий этди.
Эслатиб ўтамиз, аввалроқ Японияда АҚШ ядро қуроли жойлаштирилмаслиги маълум қилинганди.
