Зарур бўлса, АҚШ ҳарбийлари Украинага ташланади — Пентагон
Шу билан бирга улар ҳарбий ҳаракатларда қатнашмайди.
АҚШнинг Европадаги қўшимча кучлари Украинага ҳам жўнатилиши мумкин. Бу ҳақда Пентагон расмий вакили Жон Кирби маълум қилди.
“Бизнинг кучларимиз турли миссияларни бажаришга қодир ва ҳар қандай вазиятга тайёр туради”, – деган Кирби.
Унинг қўшимча қилишича, АҚШ аскарлари Украинадаги ҳарбий операцияларда иштирок этмайди. Улар асосан эвакуацияга кўмаклашиш билан шуғулланади. Аммо Кирби ҳарбийларнинг миссияси ҳақида аниқ маълумот бермаган ва уларнинг Европага жўнатилишининг муддати ҳақида ҳеч нарса гапирмаган.
Маълумот ўрнида: Сўнгги ойларда Ғарб Россиянинг Украинага бостириб кириши мумкинлигини айтиб келмоқда. Ўз навбатида Москва бу каби айбловларни рад этяпти.
Аввалроқ Украина Россия ва Хитой ўртасидаги келишувларда восита сифатида баҳоланганди.
