"Hammaga salom, men yana siz bilanman!" — MakSim gapira boshladi
Xonanda MakSim bir yarim oy reanimatsiyada va sunʼiy komada bo‘lganidan keyin ijtimoiy tarmoqlarga qaytdi. Marina instagramda kasallik paytida birinchi xabarni eʼlon qildi. Shifokorlarga minnatdorlik bildirdi va ahvoli haqida gapirdi.
"Hammaga salom, men yana siz bilanman!" — dedi sanʼatkor tomoshabinlarga. Avvalo, u sog‘lig‘i uchun xavotirlanib, qo‘llab-quvvatlagan muxlislarga minnatdorchilik bildirdi. Marina 52-kasalxonada o‘z hayoti uchun kurashgan shifokorlarning ismlarini ham sanab o‘tdi.
"Bu menga juda ko‘p yordam berdi. Ular men haqimda qayg‘urishdi, men haqimda o‘ylashdi va ibodat qilishdi. Meni boshqa dunyodan olib ketishdi", — tan oldi xonanda.
Maksimova uni reanimatsiyadan oddiy palataga o‘tkazayotganini tasdiqladi, ammo uning sog‘lig‘i hali ham normal holatga kelmagan. Ayol o‘rnidan turishga va yurishga harakat qilganda, boshi aylanadi, nafas olishi ham qiyin bo‘ladi. Yaqin kelajakdagi sayohatlar va ishlar MakSim uchun taqiqlangan, lekin u tez orada uyiga qaytib, yaqinlarini quchoqlashi mumkinligidan xursand.
Eslatib o‘tamiz, avvalroq MakSim koronavirus sabab komaga tushgani hamda xonanda mustaqil nafas ola boshlagani haqida xabar berilgandi.
