Pokiston va Afg‘oniston chegarasidagi “Torxam” nazorat-o‘tkazish punkti yana ochildi
Pokiston Afg‘oniston bilan chegaradagi eng katata nazorat-o‘tkazish punktini qayta ochdi. Bu haqda “Dawn” nashri xabar berdi.
“Torxam” Pokiston va Afg‘oniston o‘rtasidagi asosiy va tirband nazorat-o‘tkazish punkti hisoblanadi. U yakshanba, 15 avgust kuni vaziyat keskinlashgani tufayli yopilgan edi. Pokiston ichki ishlar vaziri Shayx Rashid Ahmadning maʼlum qilishicha, chegaradagi politsiyachilar toliblarga taslim bo‘lgan va shundan keyin Pokiston tomoni punktni yopib qo‘ygan.
Xabar berilishicha, “Torxam” fuqarolar va avtomashinalar qatnovi uchun ochilgan. Bojxona maʼmurlari chegara ochilgandan keyin ikki tomonga jami 720 ta yuk mashinasi o‘tganlgini maʼlum qilgan.
Bundan avval Afg‘onistonning barcha chegaralari “Tolibon” nazoratiga o‘tganligi xabar qilingan edi.
Jahongir Qo‘ziyev
