Ahmad Masʼud  G‘arb davlatlaridan yordam so‘radi

 

Masʼudning shu mazmundagi maktubi “The Washington Post”da chop etilgan  

 

Unda aytilishicha, AQSH va uning ittifoqchilari jang maydonini tark etishdi. Lekin AQSH hali ham demokratiya tayanchi bo‘lishi va Afg‘oniston xalqiga yordam berishi mumkin.  “Shu maqsadda men Afg‘onistonning G‘arbdagi do‘stlarini, Vashington va Nyu Yorkni, AQSH Kongressi va Bayden maʼmuriyatini, men taʼlim olgan London hamda otam (Ahmadshoh Masʼud) nomi bilan ataladigan xiyobon mavjud Parijni bizni qo‘llab-quvvatlashga chaqiraman”,- degan Masʼud.

 

Shuningdek, qo‘mondon u va sobiq vitse-prezident Amrulla Solih safiga afg‘on armiyasining ruhi tushgan askarlari, jumladan, maxsus qism harbiylari qo‘shilayotganini maʼlum qilgan. Masʼud  “Nima bo‘lishidan qatʼi nazar men va askarlarim Afg‘onistondagi ozodlikning so‘nggi tayanchi Panjsherni himoya qilamiz. Bizning irodamiz sinmaydi. Tajribamizdan bizni nima kutayotganini bilamiz. Bizga ko‘p miqdorda qurol-yarog‘ kerak”,- deb taʼkidlagan.

 

Toliblar hujum boshlagan taqdirda Panjsherda qattiq qarshilikka duch kelishi qayd etilgan. “Lekin G‘arb bizni  qurol bilan taʼminlamasa,  shaxsiy resurslarimiz tezda tugaydi”, deb aytgan Masʼud.

 

Bundan avval AQSH sobiq prezidenti Donald Tramp AQSH harbiylari Afg‘onistonda xavf ostida ekaniligini aytgan edi.

 

 Jahongir Qo'ziyev