“Mudofaa vazirligi prezident ruxsatisiz havo zarbalari berishi mumkin” — Jozef Bayden
30 avgust kuni tongda Kobul aeroporti tomon bir necha raketa otilgan. Bu haqda Reuters agentligi xabar berdi.
Poytaxt aeroportiga qarata 5 ta reaktiv snaryadlardan zarba berilgan. Pentagonga yaqin manbalar amerikaliklar orasida qurbonlar yo‘qligini maʼlum qilgan. Tahmin qilinishicha, deyarli barcha raketalar havo xujumiga qarshi mudofaa tizimlari tomonidan urib tushirilgan. Lekin keyinchalik toliblar snaryadlardan biri aeroport hududiga tushganini maʼlum qildi. “Tolibon”, shuningdek raketalar Kobulning shimolidagi Xayrxona tumanidan otilganini tahmin qilgan.
Oq Uy matbuot xizmati rahbari Jen Psaki hodisa haqida Prezident Jozef Baydenga xabar qilinganini aytgan. Bayden o‘z navbatida Afg‘onistondagi Amerika kuchlari himoyasini ikki barobar kuchaytirishga buyruq bergan.
Bundan avval, 29 avgust kuni AQSH Kobul aeroporti atrofida dronlar yordamida zarba bergani xabar qilingan edi. Oqibatda, 9 kishi, jumladan 4 nafar bolalar halok bo‘ldi. AQSH keyinchalik buni tan olib, zarba ichiga portlovchi modda to‘ldirilgan avtomobilga berilganini maʼlum qilgan.
Pentagon 26 avgust kungi Kobul aeroportdagi teraktdan keyin Afg‘onistonda ISHID marralariga zarba berishni boshladi. Xususan, Nangarhor viloyatida tashkilot marralariga samolyotlar zarba yo‘llagan. Oqibatda, ISHID ning Afg‘onistondagi ikki rahbari o‘ldirilgan. Jozef Bayden terrorchilarga qarshi kurashda Pentagonga keng huquqlar berdi. Jumladan, mudofaa vazirligi prezident ruxsatisiz havo zarbalari berishi mumkin.
Eslatib o‘tamiz, bundan avval Afg‘oniston sobiq vitse-prezidenti mulla Solih ISHID terrorchilik guruhining “Tolibon” harakati bilan aloqasi borligini aytgan edi.
Jahongir Qo‘ziyev
