Qozog‘iston Mudofaa vazirligiga yangi rahbar tayinlandi
26 avgust kuni Qozog‘istonda harbiy ombor potlashi sababli mamlakat mudofaa vaziri isteʼfoga chiqqan edi.
31 avgust kuni Qozog‘iston Prezidenti Qosim-Jo‘mart To‘qayev general-leytenant Nurlan Yermekbayev isteʼfosini qabul qildi.
To‘qayev shu kunning o‘zida Mudofaa vaziri birinchi o‘rinbosari, Qurolli kuchlar Bosh shtabi boshlig‘i Murat Bektanovni Yermekbayev o‘rniga tayinladi.
Yermekbayev 26 avgust kuni Jambil viloyatidagi harbiy qism obmori portlashi ortidan isteʼfoga chiqishga tayyorligini maʼlum qilgan edi.
Portlash oqibatida 15 kishi halok bo‘lgan. Harbiy qism yaqinidagi aholi punktlaridan 700 kishi evakuatsiya qilingan. Hodisadan keyin havoga snaryadlar ucha boshlagan.
29 avgust kuni harbiy qism hududida yana bir portlash qayd etilgan, ammo hech kim jabrlanmagan.
Jahongir Qo‘ziyev
