O‘zbekistonda koronavirus bilan to‘liq emlanganlar soni 1,9 mln kishidan oshdi
O‘zbekistonda 31 avgust kuni COVID-19 ga qarshi 291 160 doza vaksina qo‘llanildi, deb xabar bermoqda Sog‘liqni saqlash vazirligi. Shundan 77 092 doza birinchi bosqichda, 159 797 doza ikkinchi bosqichda va 54 271 doza uchinchi bosqichda qo‘llangan.
Shu kungacha O‘zbekistonda jami 14 629 853 doza vaksinadan foydalanilgan bo‘lib, ulardan 1-bosqichda emlanganlar 9 567 976 nafarni, 2-bosqichda emlanganlar 3 716 534 nafarni, 3-bosqichda emlanganlar 1 345 343 nafarni tashkil qildi. Shu kungacha to‘liq emlangan fuqarolar esa 1 916 032 nafarni tashkil qilmoqda.
Kecha emlash ko‘rsatkichlari bo‘yicha yuqori o‘rinlarni:
-
Samarqand viloyati (42 830 doza),
-
Farg‘ona viloyati (26 454 doza),
-
Andijon viloyati (26 055 doza) band qildi.
Jami emlashlar bo‘yicha yuqori ko‘rsatkichlar:
-
Farg‘ona viloyatida 1 673 202 doza,
-
Namangan viloyatida 1 661 749 doza,
-
Andijon viloyatida1 531 911 doza dozani tashkil qilmoqda.
Avvalroq O‘zbekistonda bayram kunlari ham emlash ishlari davom ettirilishi maʼlum qilingandi.
