Bayden: Xitoy-AQSH raqobati nizoga aylanmasligi kerak
AQSH Prezidenti Jozef Bayden va Xitoy rahbari Si Szinpin o‘rtasida telefon muloqoti bo‘lib o‘tdi Unda davlatlararo munosabatlarning eng muhim nuqtalari muhokama qilingan.
Oq Uy matbuot xizmati xabariga ko‘ra, “Prezident Bayden AQSH Tinch va Hind okeani havzasidagi tinchlik, barqarorlik va farovonlik tarafdori ekanini taʼkidladi. Ikki davlat yetakchilari o‘zaro raqobat nizoga aylanib ketmasligi uchun javobgar ekanligi alohida qayd etilgan”.
O‘z navbatida, Si Szinpin Vashingtonning Xitoyga nisbatan siyosati ikki tomonlama aloqalarda jiddiy qiyinchiliklarni vujudga keltirganini aytib o‘tgan.
“Bu ikki davlat va butun dunyoning tub manfaatlariga zid”, – degan XXR raisi. AQSH va Xitoy nizosi butun dunyoga xavf solishi mumkinligini taʼkidlagan.
Pekin va Vashington o‘rtasidagi munosabatlar AQSHning sobiq Prezidenti Donald Tramp davrida boshlangan. 2018 yildan boshlab ular o‘rtasida savdo urushi boshlangan. Jozef Bayden ham Pekinga nisbatan sanksiyalar joriy etishda davom etmoqda.
Bundan avval Jo Bayden Vladimir Putin bilan uchrashishi mumkinligi xabar qilingan edi.
Jahongir Qo‘ziyev
