Xitoyning AQSHdagi elchisi: “Siz ovozingizni o‘chirib turishingiz kerak”
Xitoyning AQSHdagi elchisi bilan bog‘liq kutilmagan vaziyat yuzaga keldi. Bu haqda “The National Review” xabar berdi.
Elchi Sin Gan AQSH va Xitoy munosabatlari bo‘yicha milliy qo‘mitaning yopiq videokonferensiyasida Vashington vakillaridan ovozini o‘chirib turishni talab qilgan. Xabarda aytilishicha, voqea avgust oxirida bo‘lib o‘tgan.
Elchiga ikki davlat munosabatlarini yaxshilash maqsadida nima qilish mumkinligi to‘g‘risida savol berilgan. Bunga javoban Sin Gan Vashington vaziyatni yomonlashtirishni to‘xtatishi zarurligini aytgan. “Aksincha, biz o‘zaro kelishmovchiliklarni hal eta olmas ekanmiz, ovozingizni o‘chirib turishingiz kerak”, — deb qo‘shimcha qilgan. Ammo 31 avgust kuni Xitoy elchixonasi taqdim etgan stenogrammada uchrashuvdagi bu hodisa qayd etilmagan.
OAV Sin Ganning bu nutqidan keyin elchi agressiv va hujumkor uslubda ish olib borishi mumkinligini taxmin qilgan. Shunisi eʼtiborliki, u elchi bo‘lib tayinlanganiga hali ikki oy ham bo‘lgani yo‘q.
AQSH Xitoy munosabatlari so‘nggi yillar davomida sovuqlashgan. 2018 yilda boshlangan savdo urushi vaziyatni yana-da chigallashtirdi.
Bundan avval Si Szinpin va Jozef Bayden o‘rtasida telefon orqali muloqot bo‘lib o‘tgani xabar qilingan edi.
