Байден: Хитой-АҚШ рақобати низога айланмаслиги керак
АҚШ Президенти Жозеф Байден ва Хитой раҳбари Си Цзинпинь ўртасида телефон мулоқоти бўлиб ўтди Унда давлатлараро муносабатларнинг энг муҳим нуқталари муҳокама қилинган.
Оқ Уй матбуот хизмати хабарига кўра, “Президент Байден АҚШ Тинч ва Ҳинд океани ҳавзасидаги тинчлик, барқарорлик ва фаровонлик тарафдори эканини таъкидлади. Икки давлат етакчилари ўзаро рақобат низога айланиб кетмаслиги учун жавобгар эканлиги алоҳида қайд этилган”.
Ўз навбатида, Си Цзинпинь Вашингтоннинг Хитойга нисбатан сиёсати икки томонлама алоқаларда жиддий қийинчиликларни вужудга келтирганини айтиб ўтган.
“Бу икки давлат ва бутун дунёнинг туб манфаатларига зид”, – деган ХХР раиси. АҚШ ва Хитой низоси бутун дунёга хавф солиши мумкинлигини таъкидлаган.
Пекин ва Вашингтон ўртасидаги муносабатлар АҚШнинг собиқ Президенти Дональд Трамп даврида бошланган. 2018 йилдан бошлаб улар ўртасида савдо уруши бошланган. Жозеф Байден ҳам Пекинга нисбатан санкциялар жорий этишда давом этмоқда.
Бундан аввал Жо Байден Владимир Путин билан учрашиши мумкинлиги хабар қилинган эди.
Жаҳонгир Қўзиев
