Misrda ikkita yangi sayyohlik shahri paydo bo‘ladi
Yaqin oylarda Misrda ikkita yangi sayyohlik shahri paydo bo‘ladi. Bu haqda “Izvestiya” gazetasi xabar qildi.
Kelgusi bir necha oy ichida ikkita mutlaqo yangi sayyohlik shaharini ochish rejalashtirilgan. Al-Galyalya deb nomlangan birinchi shahar shimolda, Qohiradan Qizil dengizga 100 km masofada joylashgan bo‘ladi.
Al-Alamin deb nomlangan ikkinchi shahar esa O‘rta yer dengizi sohilida, Iskandariya yaqinida bo‘ladi.
Misr hukumati barcha turistik hududlar va shaharlarni turli yo‘llar bilan bog‘lash ustida ish olib bormoqda: arzon aviakompaniyalar, parvoz dasturlari, tezyurar avtomobil yo‘llari, temir yo‘llar.
Eslatib o‘tamiz, Misr hukumati koronavirusga qarshi to‘liq emlangan chet ellik sayyohlarni mamlakat hududiga PZR-testsiz kiritishi to‘g‘risida maʼlum qilgandi.
Avvalroq, Misrda mehmonxonalar uchun minimal narxlar joriy etilishi haqida xabar berilgan edi. 1 noyabrdan boshlab besh yulduzli mehmonxonada yashashning minimal narxi har bir kishiga 40 dollar, to‘rt yulduzli mehmonxonada 28 dollar bo‘ladi.
Nasiba To‘xtayeva
