Moskvada mehnat resurslarining yetishmasligi ortidan uy-joy qimmatlashdi
Bugun Moskvada 200 mingga yaqin muhojir yetishmayapti. “Xabar.uz” nashri Moskva shahar hokimining iqtisodiy siyosat va mulk-yer munosabatlari bo‘yicha o‘rinbosari Vladimir Yefimovga tayanib xabar bermoqda.
«Umid qilamizki, yaqin kelajakda ularning mamlakatga kirishiga qo‘yiladigan cheklovlar yumshatiladi. Mehnat resurslarining yetishmasligi ish beruvchilar, birinchi navbatda ishlab chiquvchilar, xodimlarni bir -biridan ustun qo‘yishiga olib keladi, bu esa xizmatlar narxini oshiradi», - degan rasmiy.
Uning taʼkidlashicha, pandemiyadan oldin bir necha yil davomida poytaxtda uy-joy narxi deyarli oshmagan. Va koronavirus tarqalishi fonida, o‘tgan yillardagi inflyatsiyani ortda qoldirib, Moskvada ko‘chmas mulk qiymati oshgan.
«Endi narxlarning ko‘tarilishi to‘xtamaydi. Birinchidan, Moskva uchun imtiyozli ipoteka krediti dasturi nihoyasiga yetdi. Ikkinchidan, har doim sotib olish qobiliyatining maʼlum chegarasi bor, u tugaganda, turg‘unlik davri boshlanadi», - deya qo‘shimcha qildi vitse-mer.
Yefimov, shuningdek, pandemiya davrida poytaxt biznesini qo‘llab-quvvatlash bo‘yicha chora-tadbirlarning umumiy miqdori qariyb 100 milliard rublni tashkil etganini taʼkidlagan. Bu vaqt mobaynida Moskva hukumati ishbilarmonlarga yordam berish uchun inqirozga qarshi choralarning beshta paketini qabul qilgan. Ushbu paketlardan 700 mingdan ortiq odam ishlaydigan 60,1 mingga yaqin kompaniyalar foydalangan.
Eslatib o‘tamiz, iyun oyida Moskva meri Sergey Sobyanin umumiy ovqatlanish korxonalarini qo‘llab-quvvatlash bo‘yicha ijara to‘lovlarini kechiktirish va subsidiyalar berishni o‘z ichiga olgan qo‘shimcha chora-tadbirlarni tasdiqlagan.
Avvalroq Sergey Sobyanin “Moskva hukumati muhojirlarni jamoat tartibini buzishiga yo‘l qo‘ymaydi”, deb aytgandi.
