"Безориликка, миграция қонунчилигининг бузилишига келсак, фақат битта ечим бор — жазолаш, мамлакатдан чиқариб юбориш ва киришни тақиқлаш. Биз бу амалиётни давом эттирамиз. Илтимос, келинг, ишланг, лекин жамоат тартибларини бузманг", - деди Собянин" КП "га берган интервьюсида.
Шаҳар мэрининг маълум қилишича, ишчи кучи тақчиллиги муҳожирлар сони камайганидан эмас, балки қурилиш лойиҳалари кўп бўлганидан келиб чиқади. Ўтган йилларда ўртача 3 миллион квадрат метрга яқин уй-жой фойдаланишга топширилган эди. Охирги икки йилда эса унинг миқдори 5 миллион квадрат-метрдан ошди, яқин вақт ичида 6 миллион квадрат-метрга етиши кутилмоқда. Демак, қарийб икки баробар ошяпти. Бу эса, табиийки, ишчи кучига нисбатан бўлган талабни оширяпти.
Эслатиб ўтамиз, бундан аввал Россия мигрантларга янги мажбурият юклаши, уларга махсус чипли пластик карталар тарқатилиши ҳақида хабар берилган эди.
Озода Чориева