Perm universitetidagi otishmadan jabrlanganlar soni oshdi
Hozirga kelib 43 kishi hodisa oqibatida jabrlangan. Ulardan birining ahvoli og‘ir bo‘lib, u otishma sodir etgan Timur Bekmansurovning o‘zi.
Hozircha shifokorlar uning boldirining bir qismini kesib tashlagan. Uning holati beqaror bo‘lib qolmoqda.
20 sentyabr kuni Rossiyaning Perm davlat universiteti huquqshunoslik fakultetining sud ekspertizasi yo‘nalishida tahsil olgan sobiq talaba Temur Bekmansurov qurollangan holda o‘quv binosi ichiga bostirib kirib, travmatik qurol bilan 8 kishining umriga zomin bo‘lgan va 24 kishini jarohatlagandi.
Rossiya bosh vaziri Mixail Mishustin jabrlanganlarga kompensatsiya to‘lanishini maʼlum qilgan. Unga ko‘ra, halok bo‘lganlarlarning oila aʼzolariga 1 million, og‘ir jarohat olganlarga 400 ming, yengil jarohatlanganlarga 200 ming rubldan to‘lab beriladi. Mishustin “Bo‘lib o‘tgan hodisa — bizning umumiy falokatimiz”, — degan.
Eslatib o‘tamiz, avvalroq otishma oqibatida jabrlnganlar orasida O‘zbekiston fuqarolari yo‘qligi maʼlum qilingandi.
Jahongir Qo‘ziyev
