Putin Permdagi otishmada jasorat ko‘rsatgan politsiya xodimini mukofotladi
RF prezidenti Vladimir Putin Permda otishma uyushtirgan Timur Bekmansurovni zararsizlantirgan politsiya xodimini oliy mukofot bilan taqdirladi.
Kichik leytenant Konstantin Kalinin “Jasorat” ordeni bilan mukofotlangan. Huquqni muhofaza qilish organi xodimi “jasorati, dovyurakligi va fidokorligi” tufayli taqdirlandi. Bundan tashqari, politsiya katta leytenanti Vladimir Aleksandrovich Makarovga “Jamoat tartibini saqlashda ko‘rsatgan xizmatlari uchun” mukofoti berilgan.
20 sentyabr kuni Bekmansurov travmatik qurol bilan o‘t ochgan. Oqibatda, hoziga qadar 8 kishi vafot etgan, 43 nafari jarohatlangan.
Eslatib o‘tamiz, avvalroq Permda otishma sodir etgan sobiq talabaga umrbod qamoq jazosi berilishi mumkinligi haqida xabar berilgandi
Jahongir Qo'ziyev
