Chaqaloqlar uchun ham vaksinalar ishlab chiqariladi
Koronavirus pandemiyasi bir yil ichida tugashi mumkin. Bu haqda Moderna bosh direktori Stefan Bansel maʼlum qildi, deb yozadi “Reuters”.
"Agar siz o‘tgan olti oyda ishlab chiqarish quvvatining umumiy sanoat kengayishiga qarasangiz, kelgusi yilning o‘rtalariga kelib yer yuzida barcha uchun emlash dozalari yetarli bo‘lishi kerak", — deydi Bansel.
Bundan tashqari, yaqinda chaqaloqlar uchun ham vaksinalar paydo bo‘ladi. Bu kelgusi yilning ikkinchi yarmida normal hayotga qaytishni anglatadi.
JSST maʼlumotlariga ko‘ra, Delta shtammi koronavirusning qolgan shtammlarini deyarli siqib chiqargan. Qo‘shma Shtatlar kambag‘al mamlakatlar uchun "Pfizer" vaksinasini sotib olishni ikki barobarga oshirishi maʼlum qilindi. AQSH tashabbusi 2022-yil oxirigacha dunyo aholisining 70 foizini emlash imkonini beradi, deb taxmin qiladi Bansel.
Bundan avvalroq, Xitoylik olimlar o‘tkazgan tadqiqot natijalariga ko‘ra, koronavirusning Qo‘shma Shtatlarda tarqalishi 2019-yil sentabr oyidan boshlangan bo‘lishi mumkinligi to‘g‘risida xabar bergan edik.
Nasiba To‘xtayeva
