Tashqi qarz ko‘payish sababi ochiqlandi

 

 

O‘zbekistonning umumiy tashqi qarzi 2021 yilning birinchi olti oyida 35,9 milliard dollarni tashkil etdi. Xabarga ko‘ra,Tashqi qarzning ko‘payishi xalqaro bozorlarda obligatsiyalar narxining pasayishi bilan bog‘liq.

 

 Tashqi davlat qarzining hajmi 2,5 foizga oshib, 21,98 milliard dollarga, xususiy kompaniyalarning qarzi 13,9 milliardgacha (+ 11,2 foiz) oshdi.

 

   Davlatning tashqi qarzi tarkibida 10 yildan ortiq muddatga jalb qilingan qarzlar 65,1 % ni yoki 23,4, bir yildan besh yilgacha  20,7 % ni yoki 7,42, besh yildan o‘n yilgacha — 10% ni yoki 3,6 milliard dollarni tashkil etadi.

 

  Hisobot davri mobaynida davlat tashqi qarzi bo‘yicha 353,4 million dollar miqdordagi asosiy qarz va 206,5 million dollar miqdordagi foiz to‘lovlari amalga oshirilgan.

 

Xususiy tashqi qarz to‘lovlari asosiy qarz bo‘yicha 1,6 milliard dollar va foiz to‘lovlari bo‘yicha 238,8 million dollarni tashkil qildi. Bunda, asosiy qarz va foizlar bo‘yicha to‘lovlarning eng katta qismini banklar, neft-gaz, energetika hamda boshqa sektor korxonalari amalga oshirmoqda.

 

  Eslatib o‘tamiz, avvalroq O‘zbekiston elektr energetika sohasi uchun YETTBdan 816 million yevro qarz olayotgani haqida xabar berilgandi.

 

 

Cho‘lponoy Ahmedova