AQSHda yo‘lovchi poyezdi relsdan chiqib ketdi
AQSHda poyezdning relsdan chiqib ketishi oqibatida uch kishi halok bo‘ldi, 50 dan oshiq yo‘lovchi tan jarohati oldi, deb xabar bermoqda rasmiy ma’lumotlarga tayanib “Associated Press.”
Amtrak transport kompaniyasi vakili Jeyson Abramsning bayonotiga ko‘ra, Kanada chegarasidan 30 km uzoqlikdagi Montana shahrida sodir bo‘lgan avariya paytida poyezdda 147 yo‘lovchi va 13 nafar ekipaj a’zosi bo‘lgan.
Abramsning ta’kidlashicha, Amtrak mahalliy hokimiyat bilan birga qurbonlarni tashish va boshqa yo‘lovchilarni xavfsiz evakuasiya qilishni tashkil qiladi.
Kompaniya o‘z veb -saytida bergan bayonotiga ko‘ra, poyezdning o‘nta vagonidan yettitasi relsdan chiqib ketgan. Yakshanba kuni jo‘nashi kerak bo‘lgan bir nechta reyslar bekor qilindi.
Eslatib o‘tamiz, bundan avval xabar qilinganidek, Somali poytaxti Mogadishoda avtomobilga qo‘yilgan bomba portlashi oqibatida 8 kishi halok bo‘lgan.
Nasiba To'xtayeva
