25-sentabr kuni janubdagi Mahaday shahrida portlash sodir bo‘lgan. Portlashning asosiy nishoni Afrika Ittifoqi askarlari kolonnasi bo‘lgan. Ushbu teraktga “Ash-Shabob” terrorchilik tashkiloti javobgarlikni zimmasiga oldi.
Terrorchilar Burundining 7 nafar askari halok bo‘lganini maʼlum qilgan. Shuningdek, zirhli avtomobil yo‘q qilingan.
“Ash-Shabob” Somali davlatida faoliyat yuritadi. Ushbu guruh “Al-Qoida” xalqaro terroristik tashkiloti bilan mustahkam aloqalarga ega. U Somali markaziy hukumatiga qarshi faoliyat olib boradi. Bu o‘z navbatida, BMT gumanitar yordam berishiga katta qiyinchilik tug‘dirmoqda. AQSH doimiy ravishda “Ash-Shabob” marralariga zarba berib keladi.
Eslatib o‘tamiz, avvalroq ushbu guruh Somalidagi aeroportni vayron qilgandi.