Ozarbayjon Armaniston bilan munosabatlar yaxshilаnishi shartini maʼlum qildi
Ozarbayjon Armaniston bilan munosabatlarni yaxshilashga tayyorligini bildirdi. Bu haqda mamlakat tashqi ishlar vazirligi maʼlum qildi.
“Ozarbayjon Armaniston bilan xalqaro huquqning asosiy tamoyillari, eng avvalo, suverenitet, hududiy yaxlitlik va xalqaro chegaralar buzilmasligi tamoyillariga qatʼiy rioya qilish asosida munosabatlarni yaxshilashga tayyor. Biz Armanistonni ushbu asosiy tamoyillarni hurmat qilishga va mintaqa tinchligi, xavfsizligi va farovonligi uchun zimmasidagi xalqaro majburiyatlarini bajarishga chaqiramiz”, — deyiladi Ozarbayjon TIV bayonotida.
Ma'lumot o'rnida: 2020-yil sentabr oxirida Qorabog‘da ikki davlat o‘rtasida urush boshlangandi. Buning oqibatida tinch aholi vakillari ham qurbon bo‘lgan. Noyabr oyida erishilgan kelishuvga muvofiq esA Tog‘li Qorabog‘da Ozarbayjon suvereniteti tiklangandi. Bu urushda Turkiya Bokuga katta siyosiy va harbiy ko‘mak bergan.
Hozirda tomonlar o‘rtasida asta-sekinlik bilan munosabatlarni tiklashga harakat qilinyapti. Xususan, Armaniston Turkiya bilan aloqalarni tiklashga tayyorligini aytgan.
Eslatib o‘tamiz, avvalroq Ilhom Aliyev Qorabog' nizosi yakunlanganini aytgandi. Shuningdek, u xalqaro energetika kompaniyalarini Qorabog‘ga chaqirgani xabar qilingandi.
Jahongir Qo'ziyev
