“Yangi O‘zbekiston bog‘i”ga avtobus qatnovi yo‘lga qo‘yiladi
Toshkent shahar transport boshqarmasining rasmiy xabariga ko‘ra, “Mashinasozlar metrosi — Yangi O‘zbekiston bog‘i” yo‘nalishi bo‘ylab yangi avtobus qatnovi tashkil etilmoqda.
Boshqarma xabariga ko‘ra, ushbu yo‘nalishda faoliyat ko‘rsatish istagida bo‘lgan tashuvchilarning arizalari 2021-yil 10-oktabr kuniga qadar qabul qilinadi.
Yo‘nalishning umumiy uzunligi 13 km, yo‘lga ketadigan vaqt – taxminan 36 daqiqa. Bu yo‘nalishda 6 ta avtobus ishlaydi. Ular orasidagi interval 12 daqiqani tashkil qiladi.
Eslatib o‘tamiz, avvvalroq Toshkentdagi xalqaro konferensiya tufayli ayrim avtobuslar yo‘nalishi o‘zgargani, Toshkentda 1 avgustdan 9 ta avtobus yo‘nalishiga o‘zgartirish kiritilgani hamda yo‘lovchiga qo‘pol munosabatda bo‘lgan avtobus haydovchisiga chora ko‘rilgani haqida xabar berilgandi.
Cho‘lponoy Ahmedova
