Тошкентдаги халқаро конференция туфайли айрим автобуслар йўналиши ўзгаради
Тошкентда 15–16 июль кунлари Марказий ва Жанубий Осиё минтақалари бўйича конференция бўлиб ўтиши ҳамда шу муносабат билан Tashkent City атрофидаги йўллар автомобиллар ҳаракати учун вақтинча ёпилиши тўғрисида хабар берилганди. «Тошшаҳартрансхизмат» халқаро тадбир сабаб ўз йўналишини ўзгартирадиган автобуслар ҳақида ҳам маълумот берди.
15–16 июль кунлари 53, 64, 65, 141-сонли автобус йўналишларига ўзгартириш киритилади. Улар қуйидаги чизмадаги кўчалардан ҳаракатини давом эттиради:
Тошкент шаҳар ИИББ тадбирни ўтказиш жараёнида Tashkent City мажмуаси атрофидаги қуйидаги йўллар транспорт воситаларининг ҳаракатланиши учун ёпилишини маълум қилган:
- Ислом Каримов кўчаси: Туроб Тўла кўчасидан Фурқат кўчасигача бўлган қисми;
- Фурқат кўчасининг маҳаллий йўли: Ислом Каримов кўчасидан Навоий кўчасигача;
- Олмазор кўчаси: Бешёғоч кўчасидан Навоий кўчасигача бўлган қисми.
«Тошшаҳартрансхизмат» келтириладиган ноқулайликлар учун сўраган.
