"BepiColombo” kosmik apparati Merkuriydan ilk tasvirlarni jo‘natdi
“BepiColombo” kosmik apparati Merkuriyning birinchi tasvirlarini Yerga yetkazib berdi, deb xabar bermoqda Yevropa kosmik agentligi.
Sayyoraning shimoliy yarim shari surati undan 2420 km. olisdan olingan.
Qurilma sayyora bo‘ylab rejalashtirilgan oltita parvozdan birinchisini amalga oshirdi, tasvirlar va ilmiy maʼlumotlarni yig‘di. Kun davomida yana yangi rasmlar kelishi kutilmoqda.
Qurilmaning kameralari 1024x1024 pikselli qora va oq tasvirlarni uzatadi.
“BepiColombo” kosmik kemasi Merkuriyga o‘z missiyasini 2018-yil 20-oktyabrda boshlagan. Keyinroq Merkuriyga ikkita orbiter yetkaziladi, ular 2025 yil dekabrigacha sayyoraning tarkibi, zichligi, magnit maydoni va ekosferasi haqida maʼlumotlarni yig‘ib, orbitada kamida bir yil qoladi.
Bundan avval NASA kelasi yilda Xalqaro kosmik stansiyaga birinchi tijorat ekipajini yubormoqchi ekani haqida xabar qilgan edik.
Nasiba To‘xtayeva
