Janubiy Amerika global qurg‘oqchilikni boshdan kechirmoqda
Janubiy Amerika global qurg‘oqchilikni boshdan kechirmoqda. Bu haqda “BBC” xabar berdi.
Qayd etilishicha, mintaqadagi eng yirik suv yo‘llaridan biri — Parana suv tizimi xavf ostida qolgan. Braziliya, Paragvay va Argentina aholisining suv taʼminoti aynan unga bog‘liq.
Qurg‘oqchilik Amazonka shimolidagi o‘rmonlarni ham xavf ostida qoldirmoqda.
Mutaxassislar yomg‘ir yog‘magani uchun Amazonka o‘rmonlari va Pantanal botqoqliklarida kuchli yong‘in kelib chiqishidan xavotirda. Bundan tashqari Braziliyaning agrosanoat majmuasi va energetikasi ham qurg‘oqchilikdan aziyat chekadi, chunki mamlakat ko‘p jihatdan gidroelektrostansiyalarga tayanadi.
Bu yil yozda Boliviyada mamlakatning ikkinchi yirik ko‘li Poopo butunlay qurib qolgan edi.
Bundan avval BMT ekspertlari agar harorat ko‘tarilishi to‘xtamasa, sayyoramiz tanib bo‘lmas darajada o‘zgarib ketishi to‘g‘risida fikr bildirgani haqida xabar berilgan edi.
Nasiba To‘xtayeva
