Fransiyaning katolik cherkovida 3 mingga yaqin pedofil xizmat qilgani aniqlandi
Cherkov doiralarida pedofiliyani o‘rgangan fransuz katolik cherkovi mustaqil komissiyasining dastlabki hisob-kitoblariga ko‘ra, 70 yil davomida mamlakat katolik cherkovida 2,9 mingdan 3,2 minggacha pedofil xizmat qilgan.
Agentlikning aniqlik kiritishicha, komissiya ikki yarim yildan ko‘proq vaqt davomida o‘rganish ishlarini olib borgan. 1950-yildan to hozirgi kungacha bo‘lgan davrni cherkov, sud va politsiya arxivlari hamda guvohlar bilan o‘tkazilgan so‘rovlar asosida o‘rgangan.
Komissiya rahbari Jan-Mark Sauvning so‘zlariga ko‘ra, tadqiqot cherkov aʼzolari orasida 2,9 mingdan 3,2 minggacha pedofilni aniqlagan. U bundan ham ko‘proq bo‘lishi mumkinligini istisno qilmagan.
To‘liq komissiya hisoboti 6-oktabr, seshanba kuni eʼlon qilinadi.
Avvalroq farg‘onalik 11 yoshli bola ikki yil davomida amakisi tomonidan zo‘rlab kelingani hamda qanday kimsalar pedofil bo‘lishi mumkinligi haqida xabar berilgandi.
Munojat Valiyeva
