Yevropada gaz narxi sunʼiy omillar tufayli keskin oshmoqda — Mateush Moraveskiy
Bu haqda Polsha bosh vaziri Mateush Moraveskiy Sloveniyada tashkil etilgan Yevropa Ittifoqining norasmiy forumida aytib o‘tdi.
“Energiya narxi asosan Rossiyaning “Gazprom” kompaniyasi harakatlari tufayli shakllanmoqda. Bugun gaz narxi avval kuzatilmagan darajada oshib ketdi. Biz bundan ogohlantirgandik”, –– degan Moraveskiy. Polsha bosh vaziri, shuningdek, “Gazprom”ni Rossiyaning energetika siyosatiga taʼsir o‘tkazadigan vositasi deb atagan. Shuningdek, YIning yaqin kunlarda o‘tkaziladigan sammitida energetikka bilan bog‘liq vaziyat batafsil muhokama qilinishi maʼlum qilindi.
Yevropada gaz narxi o‘sishda davom etmoqda. Hozirda ming kubometr gaz narxi 1900 AQSH dollariga yetgan. Yevropa Ittifoqining energetika bo‘yicha komissari Kadri Simson gaz narxi faqat 2022 yil bahoriga kelib pasayishini aytgan.
Bundan avval AQSH davlat departamenti qishda Yevropada gaz narxi oshishidan ogohlantirgandi.
Jahongir Qo'ziyev
