O‘zbekiston kiberxavfsizlik indeksi bo‘yicha xalqaro reytingda 70-o‘rinni egalladi
Maʼlumotlarga ko‘ra, global kiberxavfsizlik indeksi bo‘yicha xalqaro reyting natijalari maʼlum bo‘ldi.
Unda O‘zbekiston 70-o‘rinni egalladi. Mamlakat indeksi maksimal 100 balldan 71,11 ballni tashkil etgan.
Indeks beshta asosiy yo‘nalish bo‘yicha 82 ta savolni birlashtiradi, ularning har biri uchun 20 ball beriladi. Ular:
– qonuniy o‘lchovlar;
– texnik o‘lchovlar;
– tashkiliy o‘lchovlar;
– imkoniyatlarni rivojlantirish;
– hamkorlik o‘lchovlari.
O‘zbekiston mazkur reytingda “qonuniy o‘lchovlar” yo‘nalishida eng ko‘p – 19,27 ball, “tashkiliy o‘lchovlar” yo‘nalishi bo‘yicha esa eng past – 10,05 ball olgan.
Shuningdek, “texnik o‘lchovlar” yo‘nalishi uchun 12,56 ball, “imkoniyatlarni rivojlantirish” yo‘nalishi uchun — 15,68 va “hamkorlik o‘lchovlari” yo‘nalishi uchun — 13,56 ball olindi.
Markaziy Osiyo davlatlari orasida kiberxavfsizlik bo‘yicha O‘zbekiston Qozog‘istondan keyin ikkinchi o‘rinda, yaʼni 31-o‘rin. Qirg‘iziston 92-o‘rinni, Tojikiston 138-o‘rinni, Turkmaniston 144-o‘rinni egalladi.
AQSH (100 ball), Buyuk Britaniya va Saudiya Arabistoni (har biri 99,54 ball), Estoniya (99,48 ball) va Janubiy Koreya (98,52 ball) reytingda birinchi o‘rinda. Reytingdagi so‘nggi o‘rinda Shimoliy Koreya (1,35 ball) qayd etilgan.
Eslatib o‘tamiz, avvalroq keyingi global urush kibermakonda bo‘lishi mumkinligi hamda Buyuk Britaniya o‘ziga zarar yetkazgan davlatlarga qarshi kiberhujumlar uyushtirishni maʼlum qilgani haqida xabar berilgandi.
Cho‘lponoy Ahmedova
