Elektr, issiqlik va gaz tarmoqlariga o‘zboshimchalik bilan ulanganlik uchun jarima qo‘llaniladi
Amaldagi qonunchilikka ko‘ra, umumiy foydalanishdagi elektr, issiqlik, gaz tarmoqlariga o‘zboshimchalik bilan ulanish yoki ulardan foydalanish qoidalarini buzgan shaxsga yangi jarima miqdori belgilandi.
Shuningdek, elektr, issiqlik energiyasi, tabiiy gazni hisobga olish asboblari, shu jumladan, ularning plombalariga qasddan shikast yetkazish yoki bunday hisobga olish asboblarining ko‘rsatkichlarini o‘zgartirish maqsadida ularga tashqaridan aralashish ham jarima to‘lashga asos bo‘ladi.
Unga ko‘ra, bunday qoidabuzarlik:
➖ fuqarolarga BHMning 10 baravaridan 15 baravarigacha (2 million 700 ming so‘mdan 4 million 50 ming so‘mgacha);
➖ mansabdor shaxslarga esa 20 baravaridan 25 baravarigacha (5 million 400 ming so‘mdan 6 million 750 ming so‘mgacha) miqdorda jarima solishga sabab bo‘ladi.
Eslatib o‘tamiz, bundan avval Samarqandda gaz o‘chirilishi natijasida yo‘lni to‘sgan ayollar javobgarlikka tortilgani haqida xabar berilgandi.
Cho‘lponoy Ahmedova
