O‘zbekiston bozorlaridagi narx-navo maʼlum qilindi
Davlat statistika qo‘mitasi 2021-yil 13-oktabr kungi hududiy markaziy dehqon bozorlarida o‘tkazilgan kuzatuv natijalari bo‘yicha alohida turdagi oziq-ovqat mahsulotlarining minimal-maksimal narxlarini eʼlon qildi.
Unga ko‘ra, o‘rganilgan vaqt davomida asosiy oziq-ovqat mahsulotlari narxi quyidagicha:
-
suyakli mol go‘shti (1 kilogramm) — 45 000–68 000 so‘m
-
qo‘y go‘shti (1 kilogramm) — 52 000–80 000 so‘m
-
kartoshka (1 kilogramm) — 2500–6500 so‘m
-
piyoz (1 kilogramm) — 1200–3500 so‘m
-
sabzi (1 kilogramm) — 2000–9000 so‘m
-
tuxum (10 dona) — 6000–14 000 so‘m
-
guruch (1 kilogramm) — 5000–17 500 so‘m
-
o‘simlik yog‘i (1 litr) — 14 000–24 000 so‘m
-
shakar (1 kilogramm) — 7500–9000 so‘m
Maʼlumot uchun, faqatgina dehqon bozorlari hududidagi oziq-ovqat mahsulotlari narxlari hisobga olingan. Supermarket, minimarket, do‘konlardagi narxlar inobatga olinmagan.
Bundan avval alohida turdagi oziq-ovqat mahsulotlari minimal-maksimal narxi eʼlon qilingani, isteʼmol bozoridagi tovarlar va xizmatlar o‘rtacha 0,2 % ga arzonlashgani hamda dunyoda yil boshidan buyon ilk bor oziq-ovqat narxlari pasaygani haqida maʼlumotlar taqdim qilingandi.
