Gazni yoz bo‘yi tuzatishsa bo‘lmaydimi?

 

Shu bois kuz-qish mavsumida xonadonlarda gazga bo‘lgan ehtiyoj ortadi. Yozning qaynoq kunlari tugab, kuzning salqin shamollarida issiq uyimiz jonga ora kiradi. Shunday paytda telefoninggizdagi xabarlarni ko‘zdan kechirib chiqasiz. Ular orasida siz yashab turgan hududda ta’mirlash ishlari sababli yarim kun davomida gaz ta’minotida uzilish bo‘lishi haqidagi xabarga ko‘zingiz tushadi. Shunda hammamizda bir savol paydo bo‘ladi: shu ishlarni nega yoz bo‘yi qilishmaydi?

 

Biz ham mutasaddilarga ana shunday savol bilan yuzlandik. "Hududgaztaminoti" matbuot kotibi Mehribon Mametova quyidagicha javob berdi:

—Gaz ta’minotidagi ta’mirlash ishlari kuz yo qishni kutib o‘tirmaydi. Har yili martdan noyabr oyi boshigacha yangi mavsumga tayyorgarlik ishlari olib boriladi. Respublika hududida minglab kilometrga cho‘zilgan gaz quvurlari mavjud. Ular ikkiga — ichki va yer usti gaz turbalariga ajralgan. Bularning barchasini tekshirish, tozalash, tuzatish yoki yangilash kerak. Sovuq mavsum davomida rejalashtirilgan va rejalashtirilmagan tasodifiy avariyalar ham gaz tarmog‘idagi uzilishlarga sabab bo‘ladi. Bundan tashqari yangi hududlarni gaz bilan ta’minlash ishlari ham amalga oshiriladi. Har bir gaz tarmog‘i uzilishi oldidan aholini albatta ogohlantiramiz.

 

Suyultirilgan gaz ballonlari aholiga har 30-35 kun ichida yetkazib beriladi. "Hududgazta’minot" bergan xabarga ko‘ra, bu yo‘nalishda ham sms xabarnoma tizimi yo‘lga qo‘yiladi. U orqali aholiga gazning yetkazib berish vaqti oldindan xabar qilinadi. Shuningdek, "Hududgazta’minoti" kuz-qish mavsumiga to‘liq tayyorgarlik ko‘rilganligini ma’lum qildi.

 

Avvalroq, aholining gazdan qariyb yarim trillion qarzdorligi va gazdan noqonuniy foydalanayotgan Uchkoʻprik tumanidagi korxona haqida xabar bergandik.

 

Yulduz Rustamova