Toshkent viloyatini poytaxt bilan bog‘laydigan tezyurar elektropoyezd ishga tushadi
Shavkat Mirziyoyev Toshkent viloyatiga safari chog‘ida poytaxt va viloyat shaharlari o‘rtasida qatnaydigan zamonaviy elektropoyezdlar yo‘lga qo‘yilganini e’lon qildi.
Qayd etilishicha, bu maqsadlar uchun soatiga 120 kilometr tezlikda harakatlanadigan o‘nta elektropoyezd sotib olinadi. Bu poyezdlarda yagona chipta tizimi joriy etiladi.
Shuningdek, jamoat transportini rivojlantirish dasturi ham qabul qilinadi. Unga ko‘ra viloyat hududlart bir-biri bilan, shuningdek poytaxt bilan bog‘lanadi.
Dastur doirasida 20 ta yangi yo‘nalish ochilishi, 120 dan ortiq yangi bekatlar va 13 ta avtovokzallar qurilishi ko‘zda tutilgan.
Avvalroq, "Afrosiyob" poyezdi harakat jadvaliga o‘zgarish kiritilgani va Toshkent — Shahrisabz — Toshkent yo‘lovchi poyezdining harakat jadvali o‘zgargani haqida xabar bergandik.
Maftuna Rejabboyeva tayyorladi
