Тошкент — Шаҳрисабз — Тошкент йўловчи поездининг ҳаракат жадвали ўзгаради
Жорий йил 20-21 октябрь кунларидан бошлаб Тошкент — Шаҳрисабз — Тошкент йўловчи поездининг ҳаракат жадвали ўзгаради. Бу ҳақда "O‘ztemiryo‘lyo‘lovchi" АЖ хабар бермоқда.
Қайд этилишича, йўловчилар талабларини инобатга олиб, уларга янада кўпроқ транспорт хизматларини кўрсатиш мақсадида 2021 йил 20-21 октябрь кунларидан бошлаб, Тошкент — Шаҳрисабз — Тошкент йўналишида ҳаракатланадиган 4/3 сонли йўловчи поездининг ҳаракат жадвалига ўзгартириш киритилади.
Ҳозирги кунда Тошкент марказий темир йўл вокзалидан ҳаракатланаётган 4-сонли Тошкент — Шаҳрисабз йўловчи поезди жорий йил 20 октябрдан бошлаб янги жадвал асосида соат 18:50 да жўнайди. Шунингдек, жорий йил 21 октябрдан Шаҳрисабз — Тошкент йўналишида ҳарaкатланаётган 3-сон йўловчи поезди соат 05:31 да Шаҳрисабз темир йўл вокзалидан қатнай бошлайди.
Маълумот учун: ҳозирда 4-сонли Тошкент — Шаҳрисабз йўловчи поезди Тошкент марказий темир йўл вокзалидан соат 09:00 да, Шаҳрисабз — Тошкент йўналишида ҳарaкатланаётган 3-сон йўловчи поезди Шаҳрисабз темир йўл вокзалидан соат 17:04 да жўнамоқда.
Аввалроқ Тошкент — Самарқанд — Тошкент йўналишида "Афросиёб" поездининг қўшимча қатнови йўлга қўйилгани, Испаниядан юборилган "Афросиёб" тезюрар поезди Тошкентга етиб келгани, Тошкент — Урганч — Тошкент йўналишида қўшимча поездлар қатнови йўлга қўйилгани ҳамда Андижон — Термиз — Андижон йўналишида янги йўловчи поезди қатнови ишга тушгани ҳақида хабар берилганди.
