O‘zbekistonga Pfizer/BioNTech vaksinasining navbatdagi partiyasi olib kelindi
Hozirgina yurtimizga Pfizer/BioNTech vaksinasining 526 500 dozalik yana bir partiyasi olib kelindi. Bu haqda Sog‘liqni saqlash vazirligi matbuot xizmati xabar bermoqda.
Qayd etilishicha, O‘zbekistonga olib kelingan Pfizer/BioNTech‘ning umumiy miqdori 1726 500 dozaga yetdi. Shunday qilib, yurtimizda emlash boshlanganidan beri keltirilgan vaksina miqdori esa 29 214 488 dozani tashkil qilmoqda.
Maʼlum qilinishicha, yurtimizda ota-onalar va vasiylarining roziligi asosida ixtiyoriy ravishda 12 yoshdan katta bolalarni ham Pfizer/BioNTech vaksinasi bilan emlashga ruxsat berilgan.
Maʼlumot uchun, O‘zbekistonga keltirilgan va ishlab chiqarilgan vaksinalar miqdori 29 million dozadan oshdi. 14-oktabr holatiga ko‘ra, 151 124 nafar 12 yoshdan 18 yoshgacha bo‘lgan bolalar Pfizer vaksinasi bilan ixtiyoriy ravishda emlandi.
Eslatib o‘tamiz, bundan avval ushbu vaksinadan 1 200 000 doza keltirilgan edi. Ayni paytda O‘zbekistonda "ZF-UZ-VAC2001", "AstraZeneca", "Sputnik V" va "Moderna" vaksinalaridan foydalanilmoqda. Pfizer/BioNTech vaksinasi O‘zbekistonda qo‘llanayotgan 5-vaksina bo‘ldi.
Avvalroq O‘zbekistonga “Sinovak” vaksinasi olib kelingani, O‘zbekistonga "Sputnik V" vaksinasining navbatdagi partiyasi keltirilishi hamda O‘zbekiston vaksina zaxirasi bo‘yicha MDH mamlakatlari orasida yetakchi bo‘lgani haqida xabar berilgandi.
