Ukraina prezidenti Vladimir Zelenskiy "Pandora hujjatlari"ga munosabat bildirdi

 

Prezidentning so‘zlariga ko‘ra, u va uning tarafdorlari pul yuvish bilan shug‘ullanmagan.

 

"2019-yilga qadar nima bilan shug‘ullanganimni odamlar biladi. Bu televidenie va kino. Sobiq prezident Viktor Yanukovich davrida hamma o‘z biznesini yaratgan. Ayniqsa, OAV bilan bog‘liq biznes. Hamma kanallar chet elda kompaniyalarga ega bo‘lgan. Nima uchun? Chunki bu biznesingga siyosat taʼsir ko‘rsatmasligining yagona yo‘li edi. “Kvartal-95” (Zelenskiyning TV tvdagi yirik loyihasi)ning satirasi bo‘lgani uchun unga hamma bosim o‘tkazgan", — degan Zelenskiy.

 

Uning taʼkidlashicha, o‘sha paytda “Kvartal-95” ga har hafta soliq idorasidan tekshiruv kelgan.

 

"Men va “Kvartal-95”ning hech qaysi aʼzosi pul yuvish bilan 2012 yilda ham, 2012 yildan boshlab ham shug‘ullanmaganmiz. Biz faqat ijod bilan band edik", — deya qo‘shimcha qilgan u.

 

Shuningdek, Zelenskiy “Pandora”da hech qanday yangi faktlarni ko‘rmaganini aytgan. "Bularning barchasi eski gaplar",— deya qayd etdi Ukraina yetakchisi.

 

Maʼlumot o‘rnida: "Pandora hujjatlari"da Ukraina prezidenti 2012-yilda shoumenlik qilgan paytlarida pul yuvish bilan shug‘ullangani qayd etilgan.

 

Bundan avval Ozarbayjon prezidenti "Pandora hujjatlari"ga munosabat bildirgandi. Shuningdek, Yelizaveta ikkinchi nomi ham keltirilgani xabar qilingandi.

 

Jahongir Qo'ziyev