Qirg‘izistonda 85 kishi pitsadan zaharlandi
Zaharlanganlar “Imperiye Pitsa”ning umumiy ovqatlanish shохobchalarida faoliyat yuritayotgan 4 ta hududda joylashgan kafesida ovqatlangan.
Qirg‘izistonda mashhur “Imperiye Pitsa” kafelar tarmog‘ida 85 kishi dengiz o‘tlaridan tayyorlanadigan pitsadan zaharlandi. Bu haqda “RIA Novosti” xabar berdi.
Ma'lum bo'lishicha, zaharlanganlar shu kafega tegishli 4 ta hududdagi filialida ovqatlangan.
Natijada 25-oktabr kuni ertalab soat 7.30 da yuqumli kasalliklar bo‘limiga ovqatdan zaharlanish bilan tibbiy yordam so‘rab murojaat qilganlarning umumiy soni 85 nafarni tashkil qilgan. Qurbonlar haqida esa aniq maʼlumot yo‘q.
Taʼkidlanishicha, hozirda Qirg‘iziston davlat sanitariya-epidemiologiya nazorati markazi mutaxassislari tomonidan tekshiruv ishlari olib borilmoqda.
Eslatib o‘tamiz, bundan avval Rossiyada o‘zbekistonlik fuqarolar nomaʼlum moddadan zaharlanib, ularning bir nafari vafot etgani hamda Germaniyada 7 kishi zaharlangani haqida xabar berilgandi.
Cho‘lponoy Ahmedova
