BMT ogohlantirdi: qochqinlar soni keskin ortib ketgan
Qochqinlar soni rekord darajaga yetgan.
BMT maʼlumotlariga ko‘ra, qurolli nizolar kuchayishi oqibatida ichki qochqinlar soni 48 million kishiga yetdi. Bu haqda BMTning ichki qochqinlar masalasi bo‘yicha maxsus vakili maʼlum qildi.
“Qurolli nizolar va zo‘ravonlik oqibatida o‘z yashab turgan joyini tashlab ketishga majbur bo‘lgan odamlar soni dunyo bo‘ylab 48 millionga yetdi. Bu tarixda qayd etilgan eng yuqori ko‘rsatkich. Zo‘ravonlikning tobora kuchayishi va nizolarning avj olishi xalqaro gumanitar huquq va inson huquqlariga amal qilishni qiyinlashtirmoqda”, – degan Sesilya Ximenes-Damari.
Shuningdek, Damari tabiiy ofatlar va pandemiya zo‘ravonlikni kuchaytirishini taʼkidladi.
Bundan avval Buyuk Britaniya afg‘on qochqinlari uchun 40 million dollar ajratgani hamda qochqinlar olimpiya terma jamoasi tuzilgani xabar qilingandi.
Jahongir Qo'ziyev
