Kim Chen Inning salomatligi joyida — Janubiy Koreya razvedkasi
KXDR yetakchisi necha kilogramm vazn yo‘qotgani maʼlum bo‘ldi.
Kim Chen In 20 killogram vazn yo‘qotgan, ammo uning salomatligiga jiddiy xavf mavjud emas. Bu haqda Janubiy Koreya razvedkasi maʼlumotlariga tayanib, “Ryonxap” agentligi xabar berdi.
Agentlikka ko‘ra, Janub razvedkasi parlamentning yopiq majlisida Kim Chen In o‘rniga uning qiyofadoshi ishtirok etayotganini rad etdi. Shimoliy Koreya yetakchisi vazn yo‘qotgan. Bunga qadar uning og‘irligi 140 kilogramm atrofida bo‘lgan.
Bundan avval AQSHning qator OAVlarida Kim Chen In shu yilning yozida hokimiyatdan chetlatilgani, uning o‘rnida davlat tadbirlarida qiyofadoshi ishtirok etayotgani to‘g‘risida xabarlar tarqalgan edi. Ammo “Ryonxap” maʼlumotlariga ko‘ra, Janubiy Koreya razvedkasi “sunʼiy intellekt hamda boshqa ilmiy metodlar” yordamida Shimol yetakchisi salomatligi holatini tahlil qilgan va yuqoridagi maʼlumotlarni taqdim etgan.
Bundan avval KXDR ballistik raketa sinovini o‘tkazgani hamda Kim Chen In Janubiy Koreya va AQSHni keskin tanqid qilgani haqida xabar berilgandi.
Jahongir Qo'ziyev
