Shimoliy Koreya qora oqqush go‘shti yordamida ochlikka qarshi kurashmoqchi
Hukumat bu orqali odamlar hayotini yaxshilashga va ochlikdan qutqarishga umid qilmoqda.
Bu haqda "Daily Mail" xabar qildi.
Unda aytilishicha, hozirda mamlakat sharqida bu turdagi qushlarni sanoat usulida yetishtirish boshlangan. Hukumat bu orqali odamlar hayotini yaxshilashga va ochlikdan qutqarishga umid qilmoqda. Amaldorlar uning go‘shtini “shifobaxsh” va “mazali” deb baholamoqda.
— “Qora oqqush go‘shtida boshqa hayvonlar go‘shtiga nisbatan ko‘proq oqsil bor, u tez hazm bo‘ladi va saratonga qarshi xususiyatlarga ega”, – deb taʼkidlagan KXDR qishloq xo‘jaligi vazirligi xodimi.
Pxenyan 2019-yildayoq qora oqqush yetishtirishni rejalashtirgan. Bu rejani amalga oshirish Kim Chen In fuqarolarni 2025-yilgacha, yaʼni Xitoy bilan chegaralar ochilgunga qadar kamroq ovqatlanishi zarurligini eʼlon qilganidan so‘ng tezlashdi.
KXDR koronavirus pandemiyasi tufayli 2020-yilning yanvarida Xitoy bilan chegarani to‘liq yopdi. Bu mamlakat iqtisodiyotiga salbiy taʼsir qildi: oziq-ovqat tovarlariga narxlar keskin ko‘tarilib ketdi.
Bundan avval Janubiy Koreya razvedkasi Kim Chen In salomatligi to‘g‘risida maʼlumot bergandi. Shuningdek, Shimoliy Koreya suvosti kemalaridan ballistik raketa uchirgani xabar qilingandi.
