"Sizdan minnatdorman". Makron Merkelni yuksak orden bilan mukofotladi
Makron Germaniya kansleri unga ko‘p jihatlari bilan namuna bo‘lganini eʼtirof etdi.
Fransiya prezidenti Emmanuel Makron Angela Merkelni Fransiyaning eng yuksak ordeni bilan mukofotladi. Bu haqda “RIA Novosti” xabar berdi.
Taʼkidlanishicha, Makron Merkelni “Faxriy Legion” Ordeni katta xochi bilan mukofotlagan va unga Yevropa taraqqiyotiga qo‘shgan hissasi uchun minnatdorchilik bildirgan. Shuningdek, Germaniya kansleri unga ko‘p jihatlari bilan namuna bo‘lganini eʼtirof etdi.
“Menga ko‘p narsani o‘rgatganingiz uchun minnatdorchilik bildiraman. Qadrli Angela, bizning Yevropamiz uchun qilgan barcha ishlaringiz uchun rahmat”, – degan Makron.
3 noyabr kuni Angela Merkel Fransiyaga so‘nggi rasmiy tashrif bilan keldi. Uni shaxsan Makronning o‘zi, Burgundiya viloyatida qabul qilgan.
Avvalroq Germaniya kansleri Qrimni Rossiyaga qo‘shib olinishi uning uchun kutilmagan hodisa bo‘lganini maʼlum qilgandi. Shuningdek, Germaniya prezidenti Angela Merkeldan kansler vazifasini bajarib turishni iltimos qilgandi.
Jahongir Qo'ziyev
