Германия президенти Ангела Меркелдан канцлер вазифасини бажариб туришни илтимос қилди
Германия президенти Франк-Вальтер Штайнмайер Ангела Меркелдан янги ҳукумат таркиби шакллангунга қадар канцлер вазифасини бажариб туришни илтимос қилди. Бу ҳақда Германия президенти матбуот хизмати хабар берди.
“Бу илтимос Конституциянинг 69 параграфининг учинчи пунктига асосланган”, – дейилади хабарда. Бугун Германия парламенти 20 сьездида таъсис мажлиси ўтказилади. Унда амалдаги канцлер ва ҳукумат ваколатлари тугатилади. Ҳозирда Германияда янги ҳукумат таркиби шакллантирилмаган, қонунга кўра, амалдаги ҳукумат расман ўз фаолиятини якунласа-да, де-факто ишлашда давом этади.
Бундестагда вазир ва канцлер эгаллайдиган жойлар бўш қолган. Амалдаги ҳукумат аъзолари тепа қаторларни эгаллаган.
Ҳозирда янги ҳукумат таркиби тузилиши бўйича Германия социал-демократик партияси, Эркин демократик партия ва “яшиллар” ўртасида музокаралар ўтказилмоқда. Катта эҳтимол билан немислар янги канцлери декабрда тайинланади.
Бундан аввал Меркель Путин билан 20 йилдан буён келиша олмаслигини айтганди. Шунингдек, Германия ҳукумати Афғонистонда қанча маблағ сарфлагани маълум қилинган эди.
Жаҳонгир Қўзиев
