AQSHda minglab dengiz piyodalari koronavirusga qarshi emlanmagani uchun xizmatdan bo‘shatilishi mumkin
Harbiylar 28 noyabrga qadar to‘liq emlanishi kerak.
AQSHda minglab dengiz piyodalari koronavirusga qarshi emlanmagani uchun ishdan bo‘shatilishi mumkin. Bu haqda Military Times gazetasi xabar berdi.
Dengiz piyodalari 28 noyabrga qadar to‘liq vaksinatsiya kursidan o‘tgan bo‘lishi kerak. Ammo Pfizer va Moderna vaksinalari bilan bu muddatga qadar to‘liq emlanishning iloji yo‘q.
Mamlakat harbiy-dengiz kuchlarining maʼlumotlariga ko‘ra, 28 oktyabr holatiga ko‘ra, piyodalarining 93 foizi to‘liq vaksinatsiyadan o‘tib bo‘ldi. Qolgan harbiylar maʼlum bir bahonalar bilan emlanmasligi mumkin, shu sababli ular xizmatdan bo‘shatiladi.
Dengiz piyodalari korpusi qo‘mondoni Devid Bergerning so‘zlariga ko‘ra, ishdan bo‘shatiladigan harbiylar soni mingga yetmasligi mumkin. Shu bilan birga yaqin kunlarda emlanganlar soni oshishi kutilmoqda.
Avvalroq koronavirusga qarshi emlanmaganligi tufayli AQSH razvedkachilari ham ishdan bo‘shatilishi mumkinligi xabar qilingandi.
Jahongir Qo'ziyev
