Firibgar sotuvchilar o‘z imkoniyatlarini namoyish qilish uchun Adolf Gitler nomiga tayyorlangan sertifikatlarni eʼlon qilishdi
Bunday sertifikat narxi o‘rtacha 300 yevro.
Yevropada koronavirusga qarshi emlanganlik haqidagi soxta hujjatlarni tayyorlash bilan shug‘ullanuvchi ko‘zbo‘yamachilar o‘z imkoniyatlarining namoyish qilish uchun Internetda Adolf Gitler, Mikki Maus va “Spongebob” nomiga tayyorlangan sertifikatlarni eʼlon qilishdi.
Xususan, Gitler nomiga rasmiylashtirilgan sertifikatlardan biri haqiqiy QR-kodga ega va Fransiya hukumati tomonidan imzolangan. U 1900-yilda tug‘ilgan fuqaro 25-oktabr kuni COVID-19‘ga qarshi vaksinaning ikkinchi dozasini olganini ko‘rsatadi.
“Spongebob” va Mikki Maus kabi multfilm qahramonlari uchun tayyorlangan qolgan ikki sertifikat Polsha va Makedoniya hukumatlari tomonidan “berilgan”.
Sertifikatlarni haqiqiysidan ajratish qiyin, ular tekshiruvlardan o‘tadi va nafaqat Yevropa davlatlari hududida erkin harakatlanish imkonini beradi. Firibgar sotuvchilar shu yo‘l bilan o‘z mahsulotlari ishonchliligini isbotlashgan.
"Frankfurter Allgemeine" nashri jurnalistlari firibgarlardan biri bilan bog‘langanda unga shu narx aytilgan.
Avvalroq dunyoda koronavirusga qarshi yetti milliarddan ortiq dozada vaksina qo‘llanilgani xabar qilingan edi.
Sharofat Mahmudova
