Magistratura mutaxassisliklariga qo‘shimcha qabulga ruxsat berildi
To‘lov shartnoma miqdorining kamida 50 foizini bajarishning oxirgi muddati 2021-yil 20-noyabr.
Davlat OTMga 2021/2022-o‘quv yili magistratura mutaxassisliklari bo‘yicha kirish imtihonlarida ishtirok etib, mutaxassislik fanidan belgilangan maksimal ballning 40 foizi (40 ball) va undan yuqori ball to‘plagan abituriyentlarni tegishli OTM tomonidan belgilangan to‘lov-kontrakt asosida ballar ketma-ketligiga qatʼiy amal qilgan holda qo‘shimcha qabul qilishga ruxsat berildi. Bu haqida Oliy va o‘rta maxsus taʼlim vazirligi matbuot xizmati xabar bermoqda.
Magistraturaga kirish imtihonlarida ishtirok etib, yuqoridagi talabni bajargan talabgorlar tegishli OTM qabul komissiyasiga 2021-yil 9-noyabrdan murojaat qilishlari mumkin.
Prezident qaroriga ko‘ra, magistratura mutaxassisliklariga qo‘shimcha qabul to‘lov-kontrakt miqdori bir talabaning o‘qishi uchun sarflanadigan xarajat miqdoridan kelib chiqqan holda OTM tomonidan belgilanadi.
Avvalroq еndi magistratura va ijodiy imtihonlarni jonli efirda kuzatish mumkinligi hamda Zangota tumanida universitet ochilgani haqida xabar berilgandi.
Munojat Valiyeva
