Isroil Suriyadagi nishonlarga bir nechta raketa uchirdi
Bu haqda Suriyaning “SANA” axborot agentligi xabar berdi.
“Isroil Bayrut shimolidan havo hujumi uyushtirdi va Suriyaning markaziy va qirg‘oqbo‘yi mintaqalaridagi ayrim nishonlarga zarba berdi”, — deyiladi xabarda.
Qayd etilishicha, Suriyaning mudofaa bo‘linmalari hujumni qaytargan va raketalarning aksariyat qismini urib tushirgan. Bosqin natijasida ikki nafar askar yaralangan.
"The Times Of Isroil" nashrining yozishicha, zarbalar Suriya g‘arbidagi Xoms mintaqasi va O‘rta yer dengizi sohilidagi Tartus shahri atrofidagi nishonlarga berilgan. Hujum nishoni Eron tomonidan nazorat qilinadigan qurol omborlari ham bo‘lishi mumkin.
Eslatib o‘tamiz, Turkiya armiyasi artilleriyasi Suriya shimolidagi Ayn Dekna va Beyluniya qishloqlarini o‘qqa tutgani maʼlum qilingandi.
Avvalroq Shimoliy Koreya Yapon dengiziga qarata ikkita reketa uchirgani haqida xabar berilgandi.
Nasiba To‘xtayeva
