Япония денгиз хавфсизлиги бошқармаси маълумотига кўра, биринчи ва иккинчи ракета отилиши ўртасидаги вақт 5 дақиқани ташкил этган. Ҳозирча уларнинг тушган нуқтаси аниқ эмас. Расмий Токио бу балисстик ракета бўлганини тахмин қилмоқда.
Япон денгизи акваториясида ҳодисадан кейин ҳеч қандай сейсмик ўзгариш юз бермаган. Баъзи маълумотларга кўра, ракеталар Япония алоҳида иқтисодий зоналари сувларига тушган. Бош вазир Ёсихидэ Суга Миллий хавфсизлик кенгашининг фавқулодда йиғилишини ўтказишга буйруқ берди. Пхеньян ҳозирча ҳеч қандай баёнот бермади.
Эслатиб ўтамиз, бундан аввал Шимолий Корея янги ракета синови ўтказгани ҳақида хабар берилган эди.
Жаҳонгир Қўзиев