Yaponiyada pandemiya sharoitida aholini qo‘llab-quvvatlash maqsadida yangi imtiyozlar joriy qilinishi mumkin
Unga ko‘ra, yillik daromadi 85 ming AQSh dollaridan past bo‘lgan oilalarga qo‘shimcha to‘lov beriladi.
Yaponiyada aholini pandemiya sharoitlarida qo‘llab-quvvatlash maqsadida 18 yoshgacha bo‘lgan bolalarga 880 AQSh dollari miqdorida ijtimoiy to‘lov berilishi maʼlum bo‘ldi. Bu haqda Kyodo agentligi xabar qildi.
Bu summaning yarmi yosh bolali oilalarga bank orqali o‘tkazib beriladi, yarmi esa kupon tariqasida taqdim etiladi. Bu kuponga keyinchalik turli tovarlar sotib olish uchun ishlatilishi mumkin. Ammo hukumat bu kabi yordam pulini yillik daromadi 9.6 million iyen (85 ming AQSh dollari)dan past bo‘lgan oilalarga beradi.
Bolalarga qo‘shimcha ijtimoiy to‘lov berish hukumatning pandemiya oqibatlarini yumshatishga qaratilgan yangi moliyaviy paketining bir qismi hisoblanadi. Bu paketning umumiy qiymati 265 milliard AQSh dollarini tashkil etadi. Ushbu reja noyabr oyi oxirida maʼqullanishi kutilmoqda.
Avvalroq “Qatar Airways” aviakompaniyasi pandemiya davrida 4 milliard dollardan ortiq zarar ko‘rgani hamda Bayden pandemiya bo‘yicha yangi global sammit chaqirmoqchiligi haqida xabar qilingandi.
Jahongir Qo'ziyev
