Qozog‘iston Bishkek va Dushanbega beg‘araz harbiy yordam beradi
Bu Afg‘onistondagi vaziyat bilan bog‘liqligi maʼlum qilindi.
Afg‘onistondagi vaziyat ortidan Qozog‘iston Tojikiston va Qirg‘izistonga maxsus texnika va o‘q-dorilarni beg‘araz asosda yetkazib beradi.
Qirg‘izistonning Qo‘ytosh va Tojikistonning Dushanbe shahriga yetkazib berish xarajatlarini ham Qozog‘iston o‘z bo‘yniga oldi. Shu bilan birga, Dushanbe va Bishkek bu mahsulotlarni uchinchi davlatlarga berishi mumkin emas.
Qozog‘iston mudofaa vaziri o‘rinbosari Ruslan Shpekbayevning maʼlum qilishicha, beg‘araz yordam respublika mudofaa salohiyatiga salbiy taʼsir qilmaydi. Sababi, u qurolli kuchlar taʼminotining ortib qolgan zaxiralari hisobidan berilmoqda. Ushbu qaror parlament quyi palatasi tomonidan maʼqullangan va senatga jo‘natilgan.
Avvalroq Qirg‘iziston Afg‘onistonda yashovchi qirg‘izlarni evakuatsiya qilishini maʼlum qilingandi.
Jahongir Qo'ziyev
